गुरुकुल विद्यामंदिर गुणदे व सदगुरु काडसिध्देश्वर विद्यालय गुणदे प्रशालांमध्ये रंगला दांडिया नृत्य

खेड – तालुक्यातील सरस्वती शिक्षण संस्था (गुणदे, आवाशी, शेल्डी, माणी) संचलित गुरुकुल विद्यामंदिर गुणदे, सदगुरु काडसिध्देश्वर विद्यालय गुणदे व अनुदत्त जनसेवा प्रतिष्ठान गुणदे संचलित मातोश्री अनुसया (माई) आंब्रे स्मार्ट स्कूल गुणदे प्रशालांमध्ये सरस्वती पूजन निमित्त दांडिया कार्यक्रम उत्साहात संपन्न झाला.
कार्यक्रमाच्या सुरुवातीला विद्यार्थ्यांच्या हस्ते सरस्वती पूजन, गणेशपूजन, गुरुपूजन करण्यात आले. त्यानंतर विद्यार्थ्यांच्या व माध्यमिकच्या मुख्याध्यापिका सी. जोशी यांच्या हस्ते गणपती व दुर्गा मातेची आरती करण्यात आली. वेगवेगळी वेशभूषा केलेली छोटी चिमुकली बालके दांडियाची आकर्षण होती. नर्सरीपासून १० वी पर्यंतचे सर्वच विद्यार्थी दांडियात आनंदाने नाचत होते. वेगवेगळ्या गाण्यांच्या तालावर विद्यार्थ्यांनी नृत्य केले. त्यानंतर प्रसादाचे वाटप करण्यात आले. संस्थेचे अध्यक्ष विक्रांत आंबे, उपाध्यक्ष अरविंद आंब्रे, सचिव सुभाष पवार व सर्व संचालक यांनी विद्यार्थ्यांना नवरात्रोत्सवच्या शुभेच्छा दिल्या. या कार्यक्रमासाठी माध्यमिकच्या मुख्याध्यापिका सौ.जोशी व प्राथमिकच्या मुख्याध्यापिका सौ. विचारे, मम्मास स्कूल, प्राथमिक व माध्यमिक शिक्षक वृंद व शिक्षकेतर कर्मचारी उपस्थित होते.