कुणबी पतपेढीच्या भू शाखेचा आठवा वर्धापन दिन व स्थलांतर सोहळा उत्साहात संपन्न ; आमदार किरण उर्फ भैय्या सामंत यांची प्रमुख उपस्थिती
लवकरच पतपेढीचे बँकेत रूपांतर होईल – आ.किरण सामंत यांचा विश्वास

राजापूर – तालुका कुणबी सहकारी पतपेढीच्या भू शाखेचा आठवा वर्धापन दिन व नवीन जागेतील स्थलांतर सोहळा मोठ्या उत्साहात संपन्न झाला. लांजा–राजापूर–साखरपा विधानसभा मतदारसंघाचे लोकप्रिय आमदार किरण उर्फ भैय्या सामंत यांच्या प्रमुख उपस्थितीत पार पडलेल्या या सोहळ्याला संस्थेचे पदाधिकारी, विश्वस्त मंडळ, संचालक, अधिकारी, कर्मचारी, सभासद, ग्राहक आणि पंचक्रोशीतील ग्रामस्थ मोठ्या संख्येने उपस्थित होते. यावेळी संस्थेच्या ३२ व्या वार्षिक अहवालाचे प्रकाशनही करण्यात आले.
सन १९९४ मध्ये सुरू झालेल्या या संस्थेने अल्पावधीत सहकार क्षेत्रात उल्लेखनीय प्रगती साधली आहे. संस्थेच्या या यशस्वी वाटचालीमध्ये विश्वस्त मंडळ, संचालक, अधिकारी व कर्मचारी यांच्या प्रामाणिक प्रयत्नांसह सभासद आणि ठेवीदारांनी दाखविलेला विश्वास महत्त्वपूर्ण ठरला असल्याचे मत संस्थेचे चेअरमन श्री.प्रकाश मांडवकर यांनी व्यक्त केले.
यावेळी मनोगत व्यक्त करताना आ.किरण उर्फ भैय्या सामंत म्हणाले की, सहकार क्षेत्र आणि सहकारी पतसंस्था या ग्रामीण अर्थव्यवस्थेच्या प्रमुख आधारस्तंभ आहेत. सर्वसामान्य नागरिक, छोटे व्यापारी, उद्योजक आणि शेतकरी यांना आर्थिकदृष्ट्या सक्षम करण्यामध्ये पतसंस्थांची भूमिका अत्यंत महत्त्वाची आहे. संस्थेच्या ३२ वर्षांच्या यशस्वी वाटचालीत सभासद, ठेवीदार, ग्राहक, संचालक मंडळ आणि अधिकारी-कर्मचारी यांनी जपलेला विश्वास हीच संस्थेची खरी ताकद आहे.
भू शाखेचे नवीन जागेत स्थलांतर होणे ही केवळ जागेची बदलापालट नसून संस्थेच्या विस्ताराच्या आणि प्रगतीच्या दिशेने टाकलेले महत्त्वपूर्ण पाऊल आहे. नवीन शाखेच्या माध्यमातून ग्राहकांना अधिक चांगल्या सुविधा, सुलभ सेवा आणि आधुनिक यंत्रणेचा लाभ मिळेल. यामुळे पंचक्रोशीतील सर्वसामान्य नागरिकांची आर्थिक व्यवहारांची गरज अधिक प्रभावीपणे पूर्ण होण्यास मदत होईल, असा विश्वास त्यांनी व्यक्त केला.
संस्थेने भविष्यात सहकार क्षेत्रात स्वतःची स्वतंत्र ओळख निर्माण करावी आणि राजापूरच्या आर्थिक व सामाजिक विकासात मोलाचे योगदान द्यावे, अशी अपेक्षा व्यक्त करताना आमदार सामंत यांनी सर्वांच्या प्रामाणिक प्रयत्नांतून या पतपेढीचे लवकरच बँकेत रूपांतर होईल, असा सकारात्मक विश्वास व्यक्त केला. तसेच संस्थेच्या पुढील यशस्वी वाटचालीसाठी त्यांनी शुभेच्छा दिल्या.
या प्रसंगी संस्थेच्या संचालक मंडळाच्या वतीने आमदार किरण उर्फ भैय्या सामंत यांचा शाल, श्रीफळ व पुष्पगुच्छ देऊन सन्मान करण्यात आला.
या कार्यक्रमाला संस्थेचे चेअरमन श्री. प्रकाश मांडवकर, संचालक श्री.भाऊ लोळगे, पं.स.सभापती सौ. नंदिनी कदम, श्री.शिवाजी तरवणकर, शिवसेना तालुकाप्रमुख श्री.दीपक नागले, संचालक श्री. विनायक शिवगण, मा. संचालक श्री.प्रकाश कुवळेकर, श्री.रवींद्र नागरेकर, श्री.सुरेंद्र तांबे, मुख्य कार्यकारी अधिकारी श्री. जितेंद्र पाटकर, पं.स.सदस्य श्री.राजेश गुरव, श्री.मनोज कदम, श्री.प्रदीप सावंत, श्री. सिताराम निनावे, श्री. सिताराम पडेल, व्यापारी संघटनेचे अध्यक्ष श्री. शरद उपाध्ये, श्री. प्रमोद पाध्ये, माजी संचालक श्री. लक्ष्मण सावंत, श्री. धनाजी तांबे, श्री. रमेश कुंभार, संचालक श्री. रमेश सूट, व्हाईस चेअरमन श्री. प्रकाश लोळगे, श्री. सुनील गुरव, श्री. नरेश दुधवडकर, श्री. चंद्रकांत जानसकर, श्री. गणेश लाड, श्री. सुनील रांबाडे, श्री. अमोल नार्वेकर, श्री. सुरेश अंगारकर यांच्यासह संस्थेचे पदाधिकारी, सर्वसाधारण सभासद, अधिकारी, कर्मचारी व ग्राहक मोठ्या संख्येने उपस्थित होते.



