नितीन बगाटे रत्नागिरी चे नवे पोलिस अधीक्षक ; रत्नागिरी पोलिस अधीक्षक पदाचा पदभार स्वीकारला

संगमेश्वर – छत्रपती संभाजी नगरचे पोलिस उपायुक्त तथा दबंग आयपीएस  पोलिस अधिकारी नितीन बगाटे यांची रत्नागिरी जिल्हा पोलीस अधीक्षक बदली झाली आहे.शासनाने गुरुवार ( दि.२२ मे २०२५ ) रोजी याबाबतचा आदेश काढला आहे. रत्नागिरी जिल्ह्याचे पोलिस अधीक्षक धनंजय कुलकर्णी यांच्या बदलीनंतर त्यांच्या रिक्त जागी श्री.बगाटे यांची नियुक्ती झाली आहे.

रत्नागिरी जिल्ह्याचे नव नियुक्त पोलिस अधीक्षक नितीन बगाटे हे मुळचे हिंगोली जिल्ह्यातील निशाणा येथील रहीवासी आहेत.त्यांनी सुरुवातीला शिक्षक म्हणून काम केले होते. आयआयटी मधून शिक्षण घेतल्यानंतर काही वर्षे ते पुण्यात एका खाजगी कंपनीत नोकरीला होते. त्यानंतर ते आयपीएस अधिकारी बनले.परभणी येथे २०१८ ते २०२० याकाळात ते प्रशिक्षणार्थी आयपीएस अधिकारी तथा सहाय्यक पोलीस अधीक्षकपदी कार्यरत होते. नितीन बगाटे यांची दबंग अधिकारी म्हणून ख्याती आहे. त्यांनी परभणी, चंद्रपूर, सिंधुदुर्ग, येथे काम केले आहे.

परभणीत विधानसभा निवडणूक दरम्यान त्यांची तत्कालीन विरोधी पक्षनेते धनंजय मुंडें यांच्याशी बाचाबाची झाली होती. राष्ट्रवादी कॅांग्रेसचे अध्यक्ष शरद पवार यांच्या परभणीतील सभेत डी झोनमध्ये शिकलेल्या कार्यकर्त्यांना उठवण्याचा प्रयत्न केल्यावरुन बगाटे आणि धनंजय मुंडें यांच्यात वाद झाला होता. त्यानंतर मोठ्या प्रमाणात वाळुचे टिप्पर पकडल्यावरुन खासदार त्यांचा खासदार संजय जाधव यांच्याशीही वाद झाला होता.

त्यांच्या नियुक्तीमुळे रत्नागिरी जिल्ह्यातील कायदा सुव्यवस्था राखण्यासाठी त्यांच्या अनुभवाचा उपयोग होईल अशी अपेक्षा आहे. त्यांच्या नियुक्तीने स्थानिकांमध्ये उत्साह आहे. आणि त्यांच्या नेतृत्वाखाली जिल्ह्याला बळ मिळेल अशी आशा व्यक्त आहे.